စိုက်ပျိုးရေး၊ မွေးမြူရေးနဲ့ ဆည်မြောင်း ဝန်ကြီးဌာန၊ ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ အကောင်အထည်ဖော် ဆောင်ရွက်လျက်ရှိတဲ့ ကရင်ပြည်နယ် လှိုင်းဘွဲ့ မြို့နယ် လူထုဗဟိုပြု စီမံကိန်း ဒုတိယနှစ် စက်ဝန်းနဲ့ ကျေးရွာသူ ကျေးရွာသားတွေ ကိုယ်တိုင် အကောင်အထည်ဖော်ဆောင်ရွက်ခဲ့တဲ့ အောက်ရေပူ ကျေးရွာ အုပ်စု ကော့တာဟိုးကျေးရွာမှာ ကျေးရွာတွင်း ကွန်ကရစ်လမ်း လူထု စစ်ဆေးပွဲအခမ်းအနားကို ဖေဖော်ဝါရီလ ၄ ရက် နံနက်ပိုင်းက အဲဒီကျေးရွာ ဘုန်းတော်ကြီးကျောင်းမှာ ကျင်းပပြုလုပ်ခဲ့ပါတယ်။
အဲဒီကျေးရွာမှာ ကျေးရွာတွင်း ကွန်ကရစ် လမ်းခင်းလုပ်ငန်းကို အရှည် ၁၁၂၄ ပေ၊ အကျယ် ၁၂ ပေ၊ အမြင့် ၆ လက်မထု ခင်းကျင်းခြင်းလုပ်ငန်းကို လူထု ဗဟိုပြု စီမံကိန်း ထောက်ပံ့ငွေ ၁၆၄ ဒဿမ ၇၄၂၅ သိန်း၊ ကျေးရွာ လူထု ထည့်ဝင်ငွေ ၅ ဒဿမ ၆၄ သိန်းနဲ့ အကောင်အထည်ဖော် ဆောင်ရွက်ခဲ့ခြင်း ဖြစ်ကြောင်း သိရပါတယ်။ အဲဒီ လူထု စစ်ဆေးပွဲ အခမ်းအနားကို လှိုင်းဘွဲ့မြို့နယ် လူထု ဗဟိုပြု စီမံကိန်း ဝန်ထမ်းတွေ လူထုဗဟိုပြု စီမံကိန်း ကော်မတီဝင်တွေ ကျေးရွာသူ ကျေးရွာသားတွေ စုစုပေါင်း ၁၁၆ ဦး တက်ရောက်ခဲ့တယ်လို့ သိရပါတယ်။
သတင်း - စိုးမိုးကျော်
Credit – SkyNet Media Coverage
#DRD #NCDDP #MOALI #WorldBank
