NCDDP’s Village Tract Level Socialization Meeting Organzied at Kyaikmaraw
Mon, 16 December 2020, Ministry of Information
ကျိုက်မရော ဒီဇင်ဘာ ၁၆
မော်လမြိုင်ခရိုင်၊ ကျိုက်မရော မြို့နယ်တွင် စိုက်ပျိုးရေး မွေးမြူရေးနှင့် ဆည် မြောင်း ဝန်ကြီးဌာန၊ ကျေးလက်ဒေသ ဖွံ့ ဖြိုးတိုးတက်ရေး ဦးစီးဌာနနှင့် ကမ္ဘာ့ဘဏ်တို့ ပူးပေါင်း ဆောင်ရွက်သည့် လူထုဗဟိုပြု စီမံကိန်း ကျေးရွာ အဆင့် စီမံကိန်း စက်ဝန်း မိတ်ဆက်ပွဲ အခမ်းအနားကို ယမန်နေ့ နေ့လယ် ၁ နာရီက ကျုံစိန်ကျေးရွာ စာသင်ကျောင်းနှင့် ကြခတ်ကုန်းကျေးရွာ ဘုန်းကြီးကျောင်းတို့တွင် ပြုလုပ်သည်။
အဆိုပါ မိတ်ဆက်ပွဲ အခမ်းအနားကို ကိုဗစ်-၁၉ ရောဂါ ထိန်းချုပ်ကာကွယ်ရေးအတွက် ကျန်းမာ ရေးနှင့် အားကစား ဝန်ကြီးဌာန၏ ညွှန်ကြားချက်များနှင့် အညီ ဆောင်ရွက်ခဲ့ကြောင်း သိရသည်။
အခမ်းအနားတွင် ကျေးလက်ဒေသ ဖွံ့ဖြိုး တိုးတက်ရေး ဦးစီးဌာနမှ မြို့နယ်ဦးစီးမှူး ဦးပြည့်ဦး ကိုကိုက စီမံကိန်းစက်ဝန်း မိတ်ဆက်ပွဲ ပြုလုပ်ရခြင်းနှင့် ပတ်သက်၍ ရှင်းလင်း ဆွေးနွေးခဲ့ကာ တက်ရောက် လာသူများ၏ သိရှိလို သောမေးခွန်းများကို စီမံကိန်းရုံးမှ တာဝန်ရှိ သူများက ပြန်လည်ရှင်းလင်း ဆွေးနွေးခဲ့ကြသည်။ အခမ်းအနားသို့ မွန်ပြည်နယ် လူထုဗဟိုပြု စီမံကိန်းရုံးမှ တာဝန်ရှိသူများ၊ မြို့နယ် စီမံကိန်းရုံးမှ တာဝန်ရှိ သူများနှင့် ကျေးရွာ (၄၁) ရွာ မှ ရွာသူ၊ ရွာသားများ တက်ရောက်ခဲ့ကြ ကြောင်း မြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးရုံးမှ သိရသည်။
ချိုချို (ပြန်/ဆက်)
#NCDDP, #DRD, #MOALI, #WorldBank
Credit – Ministry of Information
