ကျေးလက်ကော်မတီများ
ကျေးရွာ၏ ပထမဆုံးအစည်းအဝေး (စီမံကိန်းမိတ်ဆက်အစည်းအဝေး) ၏ အစီအစဉ်တစ်ရပ်အဖြစ် လူထု စည်းရုံးရေးမှူးက ကျေးရွာအုပ်စု စီမံကိန်း အထောက်အကူပြု ကော်မတီ၏ ဖွဲ့စည်းပုံနှင့် တာဝန်ဝတ္တရားများကို ရှင်းပြရမည်။
- ကျေးရွာအုပ်စု စီမံကိန်းအထောက်အကူပြု ကော်မတီတွင် ကျေးရွာအုပ်စု ဖွံ့ဖြိုးရေး အထောက်အကူပြု ကော်မတီမှ အဖွဲ့ဝင်များ ပါဝင်ပြီး ထိုအဖွဲ့ဝင်များကို ရွေးချယ်ခြင်း၊ ပြန်လည် အစားထိုး ခန့်အပ်ခြင်းများ ပြုလုပ်သည့်အခါ နိုင်ငံတော်ကချမှတ်ထားသည့် ကော်မတီဖွဲ့စည်းပုံ စည်းမျဉ်းဥပဒေများနှင့်အညီ ဆောင်ရွက်ရမည်။
- အကယ်၍ ကျေးရွာအုပ်စုအတွင်းရှိ ကျေးရွာတစ်ရွာသည် ကျေးရွာအုပ်စု ဖွံ့ဖြိုးတိုးတက်ရေး အထောက်အကူပြု ကော်မတီတွင် ကိုယ်စားလှယ်အဖြစ် ပါဝင်ဆောင်ရွက်ခြင်း မရှိပါက ကျေးရွာအုပ်စု စီမံကိန်း အထောက်အကူပြု ကော်မတီတွင် တာဝန်ထမ်းဆောင်ရန် ကိုယ်စားလှယ်တစ်ဦး ရွေးချယ်ရမည်။
- ထို့အပြင် ကျေးရွာတိုင်းတွင် ကျေးရွာအုပ်စု စီမံကိန်း အထောက်အကူပြု ကော်မတီအတွက် အမျိုးသမီးတစ်ဦး (ကျေးရွာအုပ်စု ဖွံ့ဖြိုးတိုးတက်ရေး အထောက်အကူပြု ကော်မတီတွင် အမျိုးသား တစ်ဦးတည်းသာ ကိုယ်စားလှယ်အဖြစ် ဆောင်ရွက်နေပါက) သို့မဟုတ် အမျိုးသားတစ်ဦး (ကျေးရွာအုပ်စု ဖွံ့ဖြိုးတိုးတက် ရေး အထောက်အကူပြု ကော်မတီတွင်အမျိုးသမီးတစ်ဦးတည်းသာ ကိုယ်စားလှယ်အဖြစ် ဆောင်ရွက်နေပါက) ရွေးချယ်ရမည်။
- ကျေးရွာအုပ်စု အုပ်ချုပ်ရေးမှူးမှလွဲ၍ အသက် ၁၈ နှစ် ပြည့်ပြီးသူ မည်သူမဆို လျှောက်ထားခွင့် ရှိသည်။
- စီမံကိန်းရည်ရွယ်ချက်အရ ကျေးရွာအုပ်စု စီမံကိန်းအထောက်အကူပြု ကော်မတီ အဖွဲ့ဝင်တိုင်းသည် နိုင်ငံတော်က ချမှတ်ထားသည့် ကော်မတီဖွဲ့စည်းပုံ သတ်မှတ်ချက်များကို လိုက်နာရမည်။
- အဖွဲ့ဝင်များသည် မှားယွင်းစွာပြုကျင့်လျှင်ဖြစ်စေ (ကျင့်ဝတ်များနှင့် အရေးယူမှုများ)၊ ကျေးရွာသားများက လုပ်ငန်းစွမ်းဆောင်ရည် ညံ့ဖျင်းသည်ဟု ထောက်ခံလျှင်ဖြစ်စေ အဖွဲ့ဝင်အဖြစ်မှ နုတ်ထွက်ရန် လိုအပ်သည်။
ကျေးရွာအုပ်စု စီမံကိန်း အထောက်အကူပြု ကော်မတီသည် လုပ်ငန်းဆောင်ရွက်ခြင်းအတွက် လုပ်အားခ ချီးမြှင့်ငွေ မရနိုင်ပါ၊ ခရီးသွားလာစရိတ်၊ စားစရိတ်တို့ရရှိနိုင်သည် (ကျေးရွာအုပ်စုသို့ လွှဲပြောင်းပေးငွေ၏ ၄ ရာခိုင်နှုန်းမှ ၆ ရာခိုင်နှုန်း) ။ ရေရှည်လုပ်ကိုင်လိုစိတ် ရှိစေရန် သင်တန်းတက်ရောက်ခွင့် ရရှိခြင်း၊ အခြေခံအသုံးအဆောင်များ ရရှိခြင်းနှင့် အခြား စီမံကိန်း အကောင်အထည်ဖော်လျက်ရှိသည့် ဒေသများသို့ သွားရောက် လေ့လာခွင့်ရရှိခြင်းတို့ ထောက်ပံ့ပေးမည်။ ကျေးရွာအုပ်စု စီမံကိန်းအထောက်အကူပြု ကော်မတီနှင့် ဘဏ္ဍာရေး ဆပ်ကော်မတီ အစည်းအဝေးများအတွက် ကျေးရွာအုပ်စု စီမံကိန်း အထောက်အကူပြု ကော်မတီဝင် အနည်းဆုံးသုံးပုံနှစ်ပုံ တက်ရောက်ရမည်၊ ဘဏ္ဍာရေး ကော်မတီဝင် အနည်းဆုံးသုံးပုံနှစ်ပုံ တက်ရောက်မှသာ အစည်းအဝေး အထမြောက်သည်။ ကျေးရွာအုပ်စု စီမံကိန်း အထောက်အကူပြုကော်မတီနှင့် ဘဏ္ဍာရေး ဆပ်ကော်မတီတို့သည် ဆုံးဖြတ်ချက်များကို အများသဘောတူညီချက်ဖြင့် ရယူရမည်။ ကျေးရွာအုပ်စု အုပ်ချုပ်ရေးမှူးသည် ကျေးရွာအုပ်စု စီမံကိန်း အထောက်အကူပြု ကော်မတီတွင် အကြံပေး တစ်ဦးအဖြစ် ဆောင်ရွက်ရမည်။
- သူ/သူမ အနေဖြင့် ကျေးရွာအုပ်စု စီမံကိန်းအထောက်အကူပြု ကော်မတီ အစည်းအဝေးများသို့ တက်ရောက်၍ အစည်းအဝေး ကျင်းပရေး၊ ကျေးရွာစီမံကိန်းခွဲလုပ်ငန်းများအား စောင့်ကြည့် စစ်ဆေးခြင်းနှင့်ကျေးရွာလုပ်ငန်း အကောင်အထည်ဖော်ခြင်းနှင့် ထိန်းသိမ်း စောင့်ရှောက်ခြင်း၊ ကော်မတီခွဲများ လုပ်ငန်းဆောင်ရွက်ခြင်းများအား စောင့်ကြည့်စစ်ဆေးခြင်းတို့ အပါအဝင် လိုအပ်သည်များကို ကူညီ ဆောင်ရွက်ပေးရမည်။
ကျေးရွာအုပ်စု စီမံကိန်းအထောက်အကူပြု ကော်မတီအစည်းအဝေးကို ပထမဆုံးအကြိမ် ကျင်းပသောအခါ အဖွဲ့ဝင်များအကြား ဥက္ကဋ္ဌတစ်ဦးကို လူထုစည်းရုံးရေးမှူး၏ အကူအညီဖြင့် ၎င်းတို့ကိုယ်တိုင် ရွေးချယ်ရမည်။ အဆိုပါ အစည်းဝေးတွင်ပင် ကျေးရွာအုပ်စု စီမံကိန်းအထောက်အကူပြု ကော်မတီသည် ယင်း၏ အဖွဲ့ဝင်များ ထဲမှ သုံးဦးကို ကျေးရွာအုပ်စု အဓိက ဘဏ္ဍာရေး ဆပ်ကော်မတီဝင်အဖြစ် ရွေးချယ်ပြီး ဘဏ္ဍာရေး ဆပ်ကော်မတီ ဥက္ကဋ္ဌကိုလည်း ရွေးချယ်ရမည်။
- ဘဏ္ဍာရေး ဆပ်ကော်မတီဝင်များသည် အထူး ရိုးသားဖြောင့်မတ်ရမည်။
- စာရင်းကိုင်သည် ရေးတတ်၊ ဖတ်တတ်ပြီး ဂဏန်းသချင်္ာ တွက်တတ်ရမည်။
- ဘဏ္ဍာရေးအဖွဲ့ဝင်များတွင် အမျိုးသမီး တစ်ဦး အနည်းဆုံး ပါဝင်ရမည်။
- ကျေးရွာအုပ်စု စီမံကိန်း အထောက်အကူပြုကော်မတီ် ဥက္ကဋ္ဌသည် ဘဏ္ဍာရေး ဆပ်ကော်မတီဝင် မဖြစ်စေရ။
- ကျေးရွာများတွင် ရွေးကောက် တင်မြှောက်ထားသော စာရင်းကိုင်များသည်လည်း ဘဏ္ဍာရေး ဆပ်ကော်မတီဝင် ဖြစ်သည်၊
- ထို့ပြင် ကျေးရွာအုပ်စု စီမံကိန်း အထောက်အကူပြု ကော်မတီတွင် အကြံပြုချက် ဖြေရှင်းရေး ကော်မတီကိုလည်း ဖွဲ့စည်းရမည်။
