Meeting Held for Implementation of NCDDP’s Third Year Project Cycle Activities in Mawkmai
Shan, 8 October 2020, Ministry of Information
မောက်မယ် အောက်တိုဘာ ၈
စိုက်ပျိုးရေးမွေးမြူရေးနှင့် ဆည်မြောင်း၀န်ကြီးဌာန ၊ ကျေးလက်ဒေသ ဖွံ့ဖြိုးတိုးတက်ရေး ဉီးစီးဌာန နှင့် ကမ္ဘာ့ဘဏ်တို့ ပူးပေါင်း အကောင်အထည်ဖော် ဆောင်ရွက်လျက် ရှိသော ရှမ်းပြည်နယ် (တောင်ပိုင်း) ၊ လင်းခေးခရိုင်၊ မောက်မယ်မြို့နယ် လူထုဗဟိုပြု စီမံကိန်း (တတိယ)နှစ်စက်၀န်း လုပ်ငန်းများ စတင် အကောင်အထည်ဖော် ဆောင်ရွက်နိုင်ရေး အတွက် နမ့်လွတ် ကျေးရွာ အုပ်စုရှိ ကျေးရွာများသို့ ယမန်နေ့ နံနက် (၁၀)နာရီက လူထု ဗဟိုပြု စီမံကိန်းမှ တာဝန်ရှိသူများက သွားရောက် တွေ့ဆုံဆွေးနွေးခဲ့သည်။
ရှေးဦးစွာ လူထု ဗဟိုပြုစီမံကိန်း တာဝန်ခံ ဦးဝင်းမြတ်သူမှ အဖွင့်အမှာစကား ပြောကြားပြီး နည်းပညာအကြံပေး ဦးမိုင်းဉာဏ်လင်း မှ (တတိယ) နှစ်စက်၀န်း လုပ်ငန်းများ အကောင်အထည်ဖော် ဆောင်ရွက်ရာတွင် ကျေးရွာလူထုနှင့် ကော်မတီဝင်များ အနေဖြင့် မိမိကျေးရွာမှ အမှန်တကယ် လိုအပ်သော လုပ်ငန်းခွဲများအား ရွေးချယ်သွားရန်နှင့် တည်ရှိ ကော်မတီဝင်များ အနေဖြင့် ဆက်လက်ပူးပေါင်းပါဝင် ဆောင်ရွက်ပေးသွားကြရန် ဆွေးနွေး အကြံပြုခဲ့သည်။
ထို့နောက် တာဝန်ကျစည်းရုံးရေးမှူးများနှင့် လက်ထောက် နည်းပညာမှူး တို့က စီမံကိန်းအကြောင်းများ ပြန်လည် မိတ်ဆက် ပြောကြားခြင်း ၊ စီမံကိန်း စက်ဝန်းဖြင့် အကောင်အထည်ဖော် ဆောင်ရွက်သွားရန် ၊ ထောက်ပံ့ ရန်ပုံငွေရရှိမှု ၊ ကျေးရွာစီ/ထောက် ကော်မတီဝင်များ အတည်ပြုခြင်းနှင့် လုပ်ငန်းခွဲများ အတည်ပြုခြင်းတို့အား နမ့််လွတ်ကျေး ရွာအုပ်စု အတွင်းရှိ ကွန်ခံကျေးရွာ၊ ဝမ်နားကျေးရွာနှင့် ဖာဟင်ကျေးရွာတို့တွင် ကျင်းပပြုလုပ်ခဲ့ကြောင်း သိရသည်။
စိုင်းမျိုးသန့်(မောက်မယ်)
Credit – Ministry of Information
#NCDDP, #DRD, #MOALI, #WorldBank
