NCDDP’s Village Concrete Street Construction Kicked Off in Pat Kyaw Ywar Lay Village of Hlaingbwe
Kayin, 15 December 2020, Ministry of Information
လှိုင်းဘွဲ ဒီဇင်ဘာ ၁၅
ကရင်ပြည်နယ် လှိုင်းဘွဲမြို့နယ် ကျေးလက်ဒေသ ဖွံ့ဖြိုး တိုးတက်ရေး ဦးစီးဌာနမှ ကမ္ဘာ့ဘဏ် အကူအညီဖြင့် အကောင် အထည်ဖော် ဆောင်ရွက်နေသော လူထုဗဟိုပြု စီမံကိန်း (တတိယ နှစ်စက်ဝန်း) တွင် ပတ်ကျောကျေးရွာ အုပ်စု ပတ်ကျောရွာလေး ကျေးရွာ ရွာတွင်း ကွန်ကရစ်လမ်း ခင်းခြင်း (အရှည် ၈၀၀ ပေ x အကျယ် ၁၄ ပေ x ထု ၆ လက်မ) လုပ်ငန်းကို လူထုဗဟိုပြု စီမံကိန်း ထောက်ပံ့ငွေ (၁၃၃၀၀၀၀၀) ကျပ်ဖြင့် အကောင်ထည်ဖော် ဆောင်ရွက်နေပြီ ဖြစ်ကြောင်း သိရသည်။
အဆိုပါ ကွန်ကရစ်လမ်းကို လူထုဗဟိုပြု စီမံကိန်းမှ လက်ထောက် နည်းပညာမှူး နန်းဆုလဲ့ဖြူ၊ လူထု စည်းရုံးရေးမှူး နန်းသန်းသန်းတို့မှ အနီးကပ် ကြီးကြပ်မှု၊ မြို့နယ် ကျေးလက်ဒေသ ဖွံ့ဖြိုး တိုးတက်ရေး ဦးစီးဌာနနှင့် မြို့နယ် နည်းပညာအကြံပေးအဖွဲ့တို့၏ စနစ်တကျ လမ်းညွန်မှု၊ ရပ်ရွာ ပြည်သူ လူထုတို့၏ ပူးပေါင်း ပါဝင်မှုများဖြင့် အကောင် အထည်ဖော် ဆောင်ရွက်နေခြင်း ဖြစ်ပြီး လုပ်ငန်းများ ၁၀၀% ပြီးစီးပါက ပတ်ကျောရွာလေး ကျေးရွာမှ အိမ်ထောင်စု (၁၇၂)စု၊ လူဦးရေ (၁၃၂၆) ဦး တို့ ကျန်းမာရေး၊ ပညာရေး၊ စီးပွားရေး၊ လူမှုရေး လုပ်ငန်းများ အတွက် သွား/လာရေး လွယ်ကူ အဆင်ပြေလာမည် ဖြစ်ကြောင်း သိရသည်။
ခင်စန်းမြင့်(ပြန်/ဆက်)
#NCDDP, #DRD, #MOALI, #WorldBank
Credit – Ministry of Information
