ဆီဆိုင် ဩဂုတ် ၂၁
ကိုဗစ်ကာလ စီးပွားရေးကုစားမှုအစီအစဉ်အရ ကျေးလက်နေပြည်သူများ ဝင်ငွေလျော့နည်းလာမှုနှင့် စားဝတ်နေရေး အခက်အခဲများကို ကုစားပေးနိုင်ရန်အတွက် ရှမ်းပြည်နယ် (တောင်ပိုင်း)၊ ပအိုဝ်းကိုယ်ပိုင် အုပ်ချုပ်ခွင့်ရ ဒေသ၊ ဆီဆိုင် မြို့နယ်တွင် Cash For Work စီမံကိန်းထောက်ပံ့ ရန်ပုံငွေဖြင့် ရွာတွင်းသဲဗြုန်းလမ်းခင်းခြင်းလုပ်ငန်း ဆောင်ရွက်နေမှု အခြေအနေတို့ကို ယမန်နေ့ နံနက် ၉ နာရီက ပြည်သူ့လွှတ်တော် ကိုယ်စားလှယ် ဦးခွန်သန်းထူး၊ မြို့နယ်စီမံခန့်ခွဲမှု ကော်မတီဉက္ကဋ္ဌ၊ မြို့နယ်အုပ်ချုပ်ရေးမှူး ဦးသိန်းဇော်နှင့် အဖွဲ့ဝင်များ၊ မြို့နယ်ကျေးလက်ဒေသ ဖွံ့ဖြိုး တိုးတက်ရေး ဦးစီးဌာနမှူး ဦးအောင်နိုင်ဝင်း၊ သက်ဆိုင်ရာကျေးရွာ စီမံကိန်း ကော်မတီ ဉက္ကဋ္ဌများ လိုက်ပါလျက် ကွင်းဆင်း ကြည့်ရှု စစ်ဆေးခဲ့ကြောင်း သိရသည်။
Covid-19 စီးပွားရေး ကုစားမှုအစီအစဉ်အရ Cash For Work စီမံကိန်း ထောက်ပံ့ရန်ပုံငွေ ကျေးရွာတစ်ရွာလျှင် ငွေကျပ်သိန်း(၁၀၀)ဖြင့် ထီးဖူကျေးရွာ၌ အိမ်ခြေ ၅၈ အိမ်၊ လူဦးရေ ၃၄၉ ဦးကို အကျိုးပြုသည့် အရှည်ပေ ၆၅၀၀၊ အကျယ် ၁၀ ပေ၊ ထု ၄ လက်မရှိ ရွာတွင်းသဲဗြုန်းလမ်း ခင်းခြင်းလုပ်ငန်း၊ နောင်ယွေးကျေးရွာ၌ အိမ်ခြေ ၆၀ လူဦးရေ ၃၀၅ ဦးကိုအကျိုးပြုသည့် အရှည်ပေ ၅၀၀၀၊ အကျယ် ၁၂ ပေ၊ ထု ၅ လက်မရှိ ရွာတွင်းသဲဗြုန်းလမ်း ခင်းခြင်းလုပ်ငန်း၊ ပန်အောင်းကျေးရွာ ၌ အိမ်ခြေ ၄၂ အိမ်၊ လူဦးရေ ၂၄၂ ဦးကိုအကျိုးပြုတဲ့ အရှည်ပေ ၅၀၀၀၊ အကျယ် ၁၂ ပေ၊ ထု ၅ လက်မရှိ ရွာတွင်းသဲဗြုန်းလမ်းခင်းခြင်းလုပ်ငန်း၊ တောင်းတပ်ကျေးရွာ၌ အိမ်ခြေ ၁၉၅ အိမ်၊ လူဦးရေ ၁၀၇၀ ဦးကို အကျိုးပြုတဲ့ အရှည်ပေ ၅၀၀၀၊ အကျယ် ၁၂ ပေ၊ ထု ၅ လက်မရှိ ရွာတွင်းသဲဗြုန်းလမ်း ခင်းခြင်းလုပ်ငန်း၊ ကုန်းဆွတ်ကျေးရွာအုပ်စု၊ နောင်လိတ်ကျေးရွာ၌ အိမ်ခြေ ၆၅ အိမ်၊ လူဦးရေ ၂၈၅ ဦးကိုအကျိုးပြုတဲ့ အရှည်ပေ ၅၀၀၀၊ အကျယ် ၁၂ ပေ၊ ထု ၅ လက်မရှိ ရွာတွင်း သဲဗြုန်းလမ်း ခင်းခြင်းလုပ်ငန်းနှင့် ဝါးခရာကျေးရွာ၌ အိမ်ခြေ ၁၆၈ အိမ်၊ လူဦးရေ ၈၄၃ ဦးကိုအကျိုးပြုတဲ့ အရှည်ပေ ၄၇၀၀၊ အကျယ် ၁၀ ပေ၊ ထု ၆ လက်မရှိ ရွာတွင်းသဲဗြုန်းလမ်းခင်းခြင်း လုပ်ငန်းများ ကျေးရွာလူထု ကိုယ်တိုင် အကောင်အထည်ဖော် ဆောင်ရွက်နေမှုများကို သတ်မှတ်စံချိန်စံညွှန်းများနှင့် အညီ ပြည့်မီရေးအတွက် ကွင်းဆင်းစစ်ဆေးပြီး လိုအပ်သည်များ လမ်းညွှန်မှာကြားခဲ့ကြောင်း သိရသည်။
Cash For Work စီမံကိန်းဖြင့် ဆီဆိုင်မြို့နယ်အတွင်းရှိ ကျေးရွာ(၇)ရွာ၌ ရွာတွင်းသဲဗြုန်းလမ်း ခင်းခြင်းလုပ်ငန်းများ အကောင်အထည်ဖော် ဆောင်ရွက်လျက်ရှိကြောင်း သိရသည်။
ခွန်ရဲထွေး(ဆီဆိုင်)
https://www.moi.gov.mm/iprd/news/5765
