လူထုဗဟိုပြုစီမံကိန်းသည် ကျေးလက်ဒေသနေပြည်သူလူထု၏ဖွံ့ဖြိုးတိုးတက်ရေးအတွက် အဓိကကျသော အခြေခံအဆောက်အအုံများနှင့် ဝန်ဆောင်မှုများကို ပြည်သူဗဟိုပြုသောနည်းလမ်းဖြင့် လက်လှမ်းမှီအသုံးပြု နိုင်ရန်နှင့်ပြည်သူလူထုအား စွမ်းဆောင်ရည်တိုးတက် မြှင့်မားလာစေရန် ရည်ရွယ်ပါသည်။ ထိုရည်ရွယ် လုပ်ဆောင်ရာတွင် ကျားမရေးရာအမြင်များ ထည့်သွင်းလုပ်ဆောင်ခြင်းသည်လည်း အရေးကြီးသော အခန်းကဏ္ဍ တစ်ခုုဖြစ်ပါသည်။
အဘယ်ကြောင့်ဆိုသော် အခြေခံအဆောက်အအုံဖွံ့ဖြိုးတိုးတက်ရေး အကောင်အထည်ဖေါ်ခြင်းလုပ်ငန်းများတွင် ကျားမရေးရာအမြင်များကို ထည့်သွင်းစဉ်းစားမှုအားနည်းပါသည်။ ထိုအခြေခံအဆောက်အအုံများကို အသုံးပြု သူများသည် အမျိုးသားနှင့် အမျိုးသမီးအပါအဝင် ကလေး၊ သက်ကြီးရွယ်အိုနှင့် မသန်စွမ်းများ ဖြစ်သည့် အတွက် ၄င်းတို့အမှန်တကယ်လိုအပ်သော အခြေခံအဆောက်အအုံများကို အစီအစဉ်ရေးဆွဲအကောင် အထည်ဖေါ်ရန်လိုအပ်ပါသည်။ ထိုသို့အကောင်အထည်ဖေါ်ဆောင်ရွက်ရာတွင် အမျိုးသားနှင့် အမျိုးသမီး အကြား မတူညီသောအမြင်များကိုထည့်သွင်းစဉ်းစားရန်နှင့် ဆုံးဖြတ်ချက်ချပိုင်ခွင့်များကို အတူတကွ ရရှိစေရန်လည်းလိုအပ်ပါသည်။ အမျိုးသမီးများကိုလည်း ဆောက်လုပ်ရေးလုပ်ငန်းများတွင် ၄င်းတို့တတ်စွမ်းသည့်ဘက်မှပါဝင်နိုင်ရန် အခွင့်အလမ်းများလည်းဆောင်ရွက်ပေးခြင်းဖြင့် အလုပ်အကိုင်အခွင့် အလမ်းများရရှိနိုင်သည့်အပြင် ဆောက်လုပ်ရေးနှင့်ပတ်သက်သော နည်းပညာများ၊ ဗဟုသုတများကိုလည်း နားလည်လာစေနိုင်ပါသည်။ ထိုသိုအမျိုးသားနှင့်အမျိုးသမီးများ အားလုံးအတူတူတန်းဖိုးထားပြီး မျှဝေဆောင်ရွက် သည့် အလေ့အထများကိုလည်း ရရှိစေရန်ရည်ရွယ်ပါသည်။
