ကနီ စက်တင်ဘာ ၉
စစ်ကိုင်းတိုင်းဒေသကြီး၊ ယင်းမာပင်ခရိုင်၊ ကနီမြို့နယ်တွင် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ အကောင်အထည်ဖော် ဆောင်ရွက်လျက်ရှိသော လူထုဗဟိုပြု စီမံကိန်း တတိယနှစ် စီမံကိန်း စက်ဝန်း လုပ်ငန်းများကို ဩဂုတ်လ ဒုတိယပတ်တွင် စတင် အကောင်အထည်ဖော် ဆောင်ရွက်လျက်ရှိရာ မိုးကောင်း ကျေးရွာအုပ်စု၊ မိုးကောင်း အရှေ့ကျေးရွာ၊ ဘက်စုံသုံးခန်းမ တည်ဆောက်ရန် ပန္နက်တင်ခြင်းအား ယနေ့ နံနက် ၉ နာရီက ဆောင်ရွက်ကြောင်း သိရသည်။
အဆိုပါ မိုးကောင်း အရှေ့ကျေးရွာရှိ ဘက်စုံ သုံးခန်းမကို ရန်ပုံငွေ ကျပ်(၃၆၃)သိန်းဖြင့် အလျား ၆၀ ပေ၊ အနံ ၄၀ ပေ၊ အမြင့် ၁၂ ပေရှိ ဘက်စုံသုံး ခန်းမကို Steel Structure ဖြင့်ဆောက်လုပ် အကောင်အထည်ဖေါ် ဆောက်လုပ်သွားမည် ဖြစ်ပြီး အဆိုပါ လုပ်ငန်းများအား ကျေးရွာများမှ ကျေးရွာ စီမံခန့်ခွဲ့မှု ကော်မတီများ၊ လူထုဗဟိုပြု စီမံကိန်းမှ ကျေးရွာတာဝန်ကျ လက်ထောက် နည်းပညာမှူးများနှင့် လူထုစည်းရုံးရေးမှူးများက ဆောင်ရွက်သွားမည် ဖြစ်ကြောင်း သိရသည်။
ကနီမြို့နယ်အတွင်း လူထုဗဟိုပြု စီမံကိန်းအနေဖြင့် တတိယနှစ်စီမံကိန်းစက်ဝန်းတွင် စီမံကိန်း လုပ်ငန်းခွဲ ပေါင်း ၁၆ ခုအား စတင် အကောင်အထည်ဖေါ်ဆောင်ရွက်လျက်ရှိပြီး မြို့နယ်စီမံကိန်း ရေးဆွဲရေးနှင့် အကောင်အထည်ဖော်ရေး ကော်မတီမှ စီမံကိန်း လုပ်ငန်းခွဲ(၆၂)ခုအား ဆက်လက် အကောင်အထည်ဖော် ဆောင်ရွက်နိုင်ရန် ခွင့်ပြုချက်ရရှိထားကာ လုပ်ငန်းများ ဆက်လက် ဆောင်ရွက်သွားမည်ဖြစ်ကြောင်း သိရသည်။
သန်းဌေးအောင် (ကနီ)
Credit – Ministry of Information
