ဒုတိယဝန်ကြီးနှင့် အဖွဲ့ တာလေ မြို့နယ် Cash for Work စီမံကိန်းနဲ့ သောက်သုံးရေ ရရှိရေး ဆောင်ရွက်နေတဲ့ လုပ်ငန်းတွေကို ကွင်းဆင်း ကြည့်ရှု့
Shan, 5 August 2020, SkyNet Media Coverage
ရှမ်းပြည်နယ် အရှေ့ပိုင်း တာချီလိတ် ခရိုင် တာလေ မြို့မှာ Cash for Work စီမံကိန်းနဲ့ သောက်သုံးရေ ရရှိရေး အတွက် ဆောင်ရွက်နေတဲ့ လုပ်ငန်းတွေကို စိုက်ပျိုးရေး၊ မွေးမြူရေးနဲ့ ဆည်မြောင်း ဝန်ကြီးဌာန ဒုတိယ ဝန်ကြီး ဦးလှကျော်နဲ့ အဖွဲ့ဝင်တွေက ဩဂုတ်လ ၃ ရက်နေ့ မနက်ပိုင်းက ကွင်းဆင်း ကြည့်ရှု့ စစ်ဆေးတယ်လို့ သိရပါတယ်။
ကြည့်ရှု့စစ်ဆေးရာမှာ တာလေမြို့ မိုင်းလင်း အနောက်ကျေးရွာ အုပ်စု ရှိ ဝမ်ပိုင်ကျေးရွာတွင် သောက်သုံးရေ ရရှိဖို့ ၂ လက်မ ပိုက်နဲ့ ၂ မိုင်အရှည် ရှိတဲ့ ရေပိုက်လိုင်း သွယ်တန်းတဲ့ လုပ်ငန်း ဆောင်ရွက်မှု အခြေအနေတွေကို ကြည့်ရှု့ စစ်ဆေးတာပါ။
အဲလို စစ်ဆေးပြီးတဲ့ နောက်မှာ ဒုတိယ ဝန်ကြီးနဲ့ အဖွဲ့ဟာ မိုင်းလင်း ဆရာတော် ဘုရားကြီးရဲ့ ကျောင်းတော်ကို ဝင်ရောက် ဖူးမျှော်ပြီး၊ အလှူငွေတွေ ပေးအပ်ခဲ့တယ်လို့ သိရပါတယ်။
သတင်း - အောင်ကျော်မိုး (တာလေ)
#CERP, #CFW, #DRD, #MOALI
Credit – SkyNet Media Coverage
