NCDDP’s Refresher Training for Infrastructure Conducted in Hlaingbwe
Kayin, 20 December 2020, Ministry of Information
လှိုင်းဘွဲ ဒီဇင်ဘာ ၂၀
ကရင်ပြည်နယ်၊ လှိုင်းဘွဲမြို့နယ် စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန ကျေးလက် ဒေသ ဖွံ့ဖြိုး တိုးတက်ရေးဦးဌာနမှ ကမ္ဘာ့ဘဏ် အကူအညီဖြင့် အကောင်အထည်ဖော် ဆောင်ရွက်နေသော လူထုဗဟိုပြု စီမံကိန်း (တတိယနှစ် စက်ဝန်း) တွင် အခြေခံ အဆောက်အဦး ဆိုင်ရာ မွမ်းမံ သင်တန်းကို ယမန်နေ့က ကျေးလက်ဒေသ ဖွံ့ဖြိုးတိုးတက်ရေးဦးစီးဌာန အစည်းအဝေး ခန်းမ၌ ပြုလုပ် ခဲ့ကြောင်း သိရသည်။
အဆိုပါသင်တန်းကို ကျေးလက်ဒေသ ဖွံ့ဖြိုး တိုးတက်ရေး ဦးစီးဌာနမှ မြို့နယ် အင်ဂျင်နီယာ အကြံပေး နန်းခိုင်ခင်ဦး၊ ကရင်ပြည်နယ် အင်ဂျင်နီယာ အကြံပေး ဦးအောင်ကျော်စံနှင့် မြို့နယ် လက်ထောက် အင်ဂျင်နီယာ အကြံပေးများက လုပ်ငန်းများ ဆောင်ရွက်ရာတွင် သဘာဝ ပတ်ဝန်းကျင်နှင့် ယဉ်ကျေးမှု အရင်းအမြစ် စီစဉ်မှု အစီအစဉ်များ၊ အကာအကွယ် စီစစ်ချက်များ၊ Environmental & Social Safeguards စီစဉ်မှု အစီအစဉ်များ၊ လုပ်ငန်းခွဲများ ရေရှည် တည်တံ့ပြီး လည်ပတ် ထိန်းသိမ်း ပြုပြင်ရမည့် စနစ်များအား စနစ်တကျ လိုက်နာကျင့်သုံး တတ်ရန် စသည်တို့ကို လှိုင်းဘွဲမြို့နယ် လူထုဗဟိုပြု စီမံကိန်းမှ လက်ထောက် နည်းပညာမှူး (၃၂) ဦးအား သင်ကြား ပို့ချပေး ခဲ့ပြီး သင်တန်းကို (၂)ရက်ကြာ သင်ကြားပို့ချ ပေးသွားမည် ဖြစ်ကြောင်း သိရှိရသည်။
ခင်စန်းမြင့်(ပြန်/ဆက်)
