စိုက်ပျိုး​ရေး၊ ​မွေးမြူ​ရေးနှင့် ဆည်​မြောင်း ၀န်ကြီးဌာန၊ ဧရာ၀တီတိုင်း​ ဒေသကြီး​ ကျေးလက်​ဒေသ ဖွံ့ဖြိုး တိုးတက်​ရေး ဦးစီးဌာန၊ ​ဒေးဒရဲမြို့နယ် လူထုဗဟိုပြု စီမံကိန်း အ​ကောင်အထည်​ဖော်​ ဆောင်ရွက်နိုင်​ရေး မိတ်ဆက်ရှင်းလင်းမှု အလုပ်ရုံ​ဆွေး​နွေးပွဲ အခမ်းအနားကို နိုဝင်ဘာလ ၂၀ ရက်နေ့ ၊ နံနက်  ၉ နာရီခွဲ အချိန်တွင် Video Conferencing စနစ်ဖြင့် ကျင်းပပြုလုပ်ရာ ၊ဧရာ၀တီတိုင်း​ ဒေသကြီး​ စိုက်ပျိုး​ရေး၊ ​မွေးမြူ​ရေး၊ သယံဇာတနှင့် ပတ်၀န်းကျင် ထိန်းသိမ်း​ရေး ၀န်ကြီး     ဦးတင်​အောင်၀င်းမှ အဖွင့်အမှာစကား​ ပြောကြားခြင်း၊ ကျေးလက်​ဒေသ ဖွံ့ဖြိုးတိုးတက်​ရေး ဦးစီးဌာန (ရုံးချုပ်) ဒုတိယ ညွှန်ကြား​ရေးမှူးချုပ် ​ဒေါ်ညိုညို၀င်းမှ အမှာစကား​ ပြောကြားခြင်း၊ ကမ္ဘာ့ဘဏ် ကိုယ်စားလှယ် တစ်ဦးမှ မိတ်ဆက်စကား​ ပြောကြားခြင်းနှင့် တိုင်း​ဒေသကြီး ဦးစီးမှူး ဦး​နေထက်ရှိန်မှ နိဂုံးချုပ် အမှာစကား​ ပြောကြားခဲ့ပါသည်။

အဆိုပါ အခမ်းအနားကို ​​ဧရာ၀တီတိုင်း​ဒေသကြီး​ ​ဒေးဒရဲမြို့နယ်မှ လွှတ်​တော် ကိုယ်စားလှယ်များ၊ ကျေးလက်​ ဒေသ ဖွံ့ဖြိုး တိုးတက်​ရေး ဦးစီးဌာန (ရုံးချုပ်) မှ တာဝန်ရှိသူများ၊ တိုင်း​ဒေသကြီး အဆင့် ဌာနဆိုင်ရာများ၊ ခရိုင်အဆင့် ဌာနဆိုင်ရာများ ၊မြို့နယ်အဆင့် ဌာနဆိုင်ရာများ တက်​ရောက်ခဲ့ပြီး တက်​ရောက် လာသူများမှ စီမံကိန်း အ​​ကြောင်း သိလိုသည်များအား​ မေးမြန်း​ ဆွေး​နွေးခဲ့ပြီး အခမ်းအနားကို​ အောင်မြင်စွာ ကျင်းပ​ဆောင်ရွက်ခဲ့ပါသည်။