စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာ ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန နဲ့ ကမ္ဘာ့ ဘဏ်တို့ ပူးပေါင်း အကောင်အထည်ဖော် ဆောင်ရွက်လျက် ရှိတဲ့ လူထု ဗဟိုပြု စီမံကိန်း (စတုတ္ထနှစ် စက်ဝန်း) ကို ပေါက်မြို့နယ် သပွတ်စု အုပ်စု ၊ သရက်လေးပင် ကျေးရွာ၊ ကျေးရွာတွင်း မြေနီလမ်းခင်းခြင်း နဲ့ မြေထိန်း နံရံ ပြုလုပ်ခြင်းလုပ်ငန်းတွေ အောင်မြင်စွာ ဆောင်ရွက်ပြီးစီးမှု နဲ့ ပတ်သတ်ပြီး လူထု စစ်တမ်းကောက်ယူမှုကို အဲဒီကျေးရွာ စုရပ်ဆောင်မှာ ဇူလိုင်လ ၁၇ ရက်နေ့ မနက် ၈ နာရီမှာ ကျင်းပပါတယ်။
ဒီ အစီအစဉ် ပြုလုပ်ရာမှာ တိုင်းဒေသကြီး လွှတ်တော် ကိုယ်စားလှယ် ဒေါ်မြင့်စန်းနဲ့ တာဝန်ရှိသူတွေက သက်ဆိုင်ရာ ကဏ္ဍအလိုက် ရှင်းလင်း ပြောကြားပါတယ်။
လူထု စစ်တမ်း ကောက်ယူရာမှာ ကိုဗစ်-၁၉ ရောဂါ ပြန့်ပွားမှုကို ထိန်းချုပ်နိုင်ဖို့ တာဝန်ကျ စီမံကိန်း ဝန်ထမ်းတွေနဲ့အတူ ကျေးရွာ စီမံကိန်း အထောက်အကူပြု ကော်မတီဝင်တွေက အိမ်တိုင်ရာရောက် ကောက်ယူခဲ့ပြီး၊ လူထု စစ်ဆေးပွဲ ရလာဒ်တွေကို ကျေးရွာ လူထု သိရှိနိုင်ဖို့ ကြော်ငြာ သင်ပုန်းမှာ ပွင့်လင်း မြင်သာစွာ ကြေညာပေးခဲ့ပါတယ်။
သတင်း - ဉာဏ်တိုး (ပေါက်)
Credit – SkyNet Media Coverage
#NCDDP, #DRD, # MOALI, # WorldBank
