NCDDP’s Village Concret Stree Opening Ceremony Held at War Khoke Taw Village of Hlaingbwe
Kayin, 24 December 2020, Ministry of Information
လှိုင်းဘွဲ ဒီဇင်ဘာ ၂၄
ကရင်ပြည်နယ် လှိုင်းဘွဲမြို့နယ် ကျေးလက် ဒေသ ဖွံ့ဖြိုး တိုးတက်ရေး ဦးစီးဌာနမှ ကမ္ဘာ့ဘဏ် အကူအညီဖြင့် အကောင် အထည်ဖော် ဆောင်ရွက်နေသော လူထုဗဟိုပြုစီမံကိန်း (တတိယနှစ် စက်ဝန်း) တွင် သာယာကုန်းအုပ်စု ဝါးဂုတ္တောကျေးရွာ စည်းလုံးညီညွတ် ကွန်ကရစ်လမ်း ဖွင့်ပွဲ အခမ်းအနား ကို ယမန်နေ့က ကျင်းပပြုလုပ်ကြောင်း သိရသည်။
ရှေးဦးစွာ ဝါးကျောင်း ဆရာတော်၊ ဝါးကုတ်တော ကျောင်းဆရာတော်တို့မှ သြဝါဒ စကား မိန့်ကြားခဲ့ပြီး သာယာကုန်း အုပ်စု အုပ်ချုပ်ရေးမှူးနှင့် လှိုင်းဘွဲမြို့နယ် ကျေးလက်ဒေသ ဖွံ့ဖြိုး တိုးတက်ရေး ဦးစီးဌာန မြို့နယ် ဦးစီးမှူးဒေါ်အေးမြနန္ဒာထွန်းတို့မှ ကျေးဇူးတင်စကား ပြန်လည် ပြောကြားခဲ့သည်။ ထို့နောက် ဝါးကုတ်တော ကျောင်းဆရာတော်၊ သာယာကုန်းကျေးရွာ အုပ်စု အုပ်ချူပ်ရေးမှူးနှင့် ကျေးလက်ဒေသ ဖွံ့ဖြိုး တိုးတက်ရေး ဦးစီးဌာန မြို့နယ် ဦးစီးမှူးဒေါ်အေးမြနန္ဒာထွန်းတို့မှ ဖဲကြိုးဖြတ် ဖွင့်လစ်ပေးခဲ့ကြကြောင်း သိရသည်။
အဆိုပါ ကွန်ကရစ်လမ်းသည် လူထုဗဟိုပြု စီမံကိန်း ထောက်ပံ့ငွေ (၂၄,၄၅၀,၀၀၀) ကျပ် ပြည်သူလူထု ထည့်ဝင်ငွေ (၂,၅၀၀,၀၀၀) ကျပ်တို့ဖြင့် လမ်း (အရှည် ၁၈၈၀ပေ ၊ အကျယ် ၁၄ပေ ၊ ထု ၆လက်မ) ဖြစ်ပြီး ၂၀၂၀ခုနှစ် နိုဝင်ဘာလ ၂၅ရက်နေ့တွင် စတင် ဆောင်ရွက်ခဲ့ရာ ၂၀၂၀ခုနှစ် ဒီဇင်ဘာလ ၁၃ရက်နေ့တွင် ပြီးစီးခဲ့၍ ဝါးဂုတ္တော ကျေးရွာမှ အိမ်ထောင်စု ၅၄၀စု၊ လူဦးရေ (၃၂၂၀)ဦး တို့၏ ကျန်းမာရေး၊ ပညာရေး၊ စီးပွားရေးနှင့် လူမှုရေး လုပ်ငန်းများ အတွက် လမ်းပန်း ဆက်သွယ် အဆင်ပြေလာပြီ ဖြစ်ကြောင်း သိရှိရသည်။
ခင်စန်းမြင့်(ပြန်/ဆက်)
#NCDDP, #DRD, #MOALI, #WorldBank
Credit – Ministry of Information
