Village Street Construction Kicked Off in War Khoke Taw Village of Hlaingbwe
Kayin, 26 November 2020, Ministry of Information
လှိုင်းဘွဲ နိုဝင်ဘာ ၂၆
ကရင်ပြည်နယ် လှိုင်းဘွဲမြို့နယ် ကျေးလက်ဒေသ ဖွံ့ဖြိုး တိုးတက်ရေး ဦးစီးဌာနမှ ကမ္ဘာ့ဘဏ် အကူအညီဖြင့် အကောင်အထည်ဖော် ဆောင်ရွက်နေသော လူထုဗဟိုပြု စီမံကိန်း (တတိယ နှစ်စက်ဝန်း) တွင် အိမ်ထောင်စု (၅၄၀) စု၊ လူဦးရေ (၃၂၂၀)ဦး တို့အား အကျိုးပြုမည့် သာယာကုန်းကျေးရွာအုပ်စု ဝါးဂုတ္တောကျေးရွာ ၊ ရွာတွင်း ကွန်ကရစ်လမ်း ခင်းခြင်း လုပ်ငန်းကို ယမန်နေ့က စတင် အကောင်အထည်ဖော် ဆောင်ရွက်ခဲ့ကြောင်း သိရသည်။
အဆိုပါ ကွန်ကရစ်လမ်းသည် ကျေးလက်ဒေသ ဖွံ့ဖြိုး တိုးတက်ရေး ဦးစီးဌာနမှ လူထုဗဟိုပြု စီမံကိန်း (တတိယနှစ် စက်ဝန်း) တွင် စီမံကိန်းမှ ထောက်ပံ့ငွေ (၂၄,၄၅၀,၀၀၀) ကျပ်ဖြင့် အကောင် အထည်ဖော်ဆောင်ရွက်ခြင်း ဖြစ်ပြီး လမ်း(အရှည် ၁၂၄၀ပေ x အကျယ် ၁၂ပေ x ထု ၆လက်မ) တို့ဖြင့် လှိုင်းဘွဲမြို့နယ် ကျေးလက် ဒေသ ဖွံ့ဖြိုး တိုးတက်ရေး ဦးစီးဌာနနှင့် မြို့နယ် နည်းပညာ အကြံပေး အဖွဲ့တို့ ၏ စနစ်တကျ လမ်းညွန်မှု၊ လက်ထောက် နည်းပညာမှူး ဒေါ်ဝင်းဇာနီခိုင်၊ လူထု စည်းရုံးရေးမှူး စောသန်းကျော်လင်းတို့၏ အနီးကပ် ကြီးကြပ်မှူနှင့် ကျေးရွာသူ/ကျေးရွာသားတို့၏ ပူးပေါင်း ပါဝင်မှုတို့ဖြင့် အကောင်အထည်ဖော် ဆောင်ရွက်ခဲ့ကြောင်း သိရသည်။
ခင်စန်းမြင့်(ပြန်/ဆက်)
#NCDDP, #DRD, #MOALI, #WorldBank
Credit – Ministry of Information
