လူထုဗဟိုပြုစီမံကိန်း မှ စီမံကိန်းအဖွဲ့ဝင်များဖြစ်သော ကျေးလက်ဒေသဖွံ့ဖြိုးတိုးတက်ရေးဦစီးဌာနမှ ဒုတိယ ညွန်ကြားရေးမှူး ဦးလှခိုင်၊ ဦးကျော်စွာအောင်၊ ဒေါ်မီမီထွေး တို့ခေါင်းဆောင်၍ ပြည်ထောင်စုအဆင့် စီမံကိန်းအဖွဲ့ဝင်ဝန်ထမ်းများ၊ စီမံကိန်း မြို့နယ်များမှ မြို့နယ်ကျေးလက်ဦးစီးမှူးများ ပါဝင်သော အဖွဲ့သည် အင်ဒိုနီရှားနိုင်ငံ Ministry For Human Development and Culture မှ အကောင်အထည်ဖော်ဆောင်ရွက်လျက်ရှိသော PNPM-Mandiri (National Program For Community Empowerment Projecet) စီမံကိန်းသို့ (၁၂.၁.၂၀၁၅) ရက်နေ့မှ (၁၇.၁.၂၀၁၅) ရက်နေ့ထိလေ့လာရေးခရီးသွားရောက်ခဲ့ကြပါသည်။

လေ့လာရေးခရီးစဉ် ပထမနေ့တွင် ဂျာကာတာမြို့ရှိ Ministry For Human Development and Culture ရုံးခန်းမတွင် အင်ဒိုနီးရှားနိုင်ငံဆိုင်ရာ ကမ္ဘာ့ဘဏ်မှ တာဝန်ရှိသူများ၊ PNPM-Mandiri မှတာဝန်ရှိသူများ နှင့်တွေဆုံကာ PNPM-Mandiri မှ တာဝန်ရှိသူများ မှ စီမံကိန်းအကောင်အထည်ဖော်ဆောင်ရွက်ပုံအဆင့်ဆင့်နှင့် ပဋိပက္ခ ဖြစ်ပွားမှု ဧရိယာအတွင်း စီမံကိန်းအကောင်အထည်ဖော်ဆောင်ရွက်ရာတွင်ကြုံတွေရသော အခက်အခဲများ၊ စိန်ခေါ်မှုများ များကို ရှင်းလင်းပြောကြားပြီး လေ့လာရေးအဖွဲ့ခေါင်းဆောင် ဦးလှခိုင်(ဒုတိယညွန်ကြားရေးမှူး) မှလည်း လူထုဗဟိုပြုစီမံကိန်း အကောင်အထည်ဖော်ဆောင်ရွက်နေမှုများကို ရှင်းလင်းဆွေးနွေးခဲ့ကာ သိလိုသည်များကို ပြန်လည်မေးမြန်းခဲ့ကြပါသည်။

ထိုနောက် အင်ဒိုနီးရှာနိုင်ငံ Maluku စီရင်စုမှ Ambon မြို့သို့သွားရောက်ကာ Salahutu Sub-district, Laihitu Sub-district အတွင်းရှိ ကျေးရွာများသို့သွားရောက်၍ ကျေးရွာအဆင့် PNPM-Rural မှစီမံကိန်းကော်မတီဝင်များနှင့်တွေဆုံပြီး ပဋိပက္ခ အခြေအနေအတွင်း စီမံကိန်းအကောင်ထည်ဖော်ဆောင်ကြပုံအဆင့်ဆင့်နှင့် ကျေးရွာလူထုကိုယ်တိုင်ဦးဆောင်ပြီး ဆောင်ရွက်ထားကြသော ကျေးလက် လမ်း/တံတား/ရေပေးရေး/ကျေးလက်စျေး/ကျေးလက် ဆေးပေးခန်းများကို သွားရောက်လေ့လာခဲ့ကြပါသည်။