ရှားတော၊ ဇူလိုင် ၂၄

စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ရှားတောမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာန လူထုဗဟိုပြုစီမံကိန်း(စတုတ္ထနှစ်စက်ဝန်း) မြို့နယ်အဆင့်စီမံကိန်း ရေးဆွဲရေးတွင် ကျေးရွာပြည်သူများမှ တောင်းဆိုလာသော လုပ်ငန်းများအား သက်ဆိုင် ရာဌာန များမှ ထည့်သွင်းလျာထားနိုင်ရေး လုပ်ငန်းညှိနှိုင်းအစည်းအဝေးကို ယနေ့နံနက်(၁၀)နာရီ အချိန်က မြို့နယ်စုပေါင်းရုံးခန်းမတွင် ဆောင်ရွက်ခဲ့သည်။

အခမ်းအနားတွင် မြို့နယ်အထွေထွေအုပ်ချုပ်ရေးဦးစီးဌာန ဒုတိယဦးစီးမှူး ဦးစိုးထိုက် က အဖွင့်အမှာစကားပြောကြားပြီး ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးအရာရှိ ဦးထွေးအောင်က လုပ်ငန်းညှိနှိုင်းအစည်းအဝေး ကျင်းပပြုလုပ် ရခြင်းနှင့်ပတ်သက်၍ ရှင်းလင်း ပြောကြားသည်။

ဆက်လက်၍ လွိုင်ကော်-ရှားတောမြို့နယ် လူထုဗဟိုပြုစီမံကိန်းရုံး နည်းပညာအကြံပေး အဖွဲ့ ခေါင်းဆောင် ‌ဒေါ်နော်ဂျူးလစ်က လူထုဗဟိုပြုစီမံကိန်း လုပ်ငန်းစဉ်များအကြောင်းကို ရှင်းလင်း ပြောကြားပြီး တက်ရောက်လာကြသော ဌာနဆိုင်ရာများက ကျေးရွာပြည်သူများတောင်းဆို လာသော လုပ်ငန်းများဖြစ်သည့် လမ်းပန်းဆက်သွယ်ရေး၊ လျှပ်စစ်မီးလင်းရေး၊ သောက်သုံးရေ ရရှိရေး၊ ပညာရေး၊ ကျန်းမားရေး၊ လူမှုစီးပွားကဏ္ဍစသည့်များနှင့်ပတ်သက်၍ ဆောင်ရွက်ပြီးစီးမှုနှင့် သတ်မှတ်ချက်နှင့် ကိုက်ညီအကျုံးဝင်သည့် လုပ်ငန်းများအားလာမည့် ၂၀၂၀-၂၀၂၁ ဘဏ္ဍာနှစ်တွင် လျာထားဆောင်ရွက်နိုင်ရေးအုပ်စုဖွဲ့ဆွေးနွေးခဲ့ကြသည်။

ထိုသို့ဆွေးနွေးရာတွင် ရှားတောမြို့နယ်အတွင်းရှိ ကျေးရွာပြည်သူများ တောင်းဆိုလာသော လုပ်ငန်း(၉၄)ခုရှိရာဆောင်ရွက်ပြီးစီးသည့်လုပ်ငန်း(၂၀)ခုနှင့်သတ်မှတ်ချက်နှင့် ကိုက်ညီအကျုံးဝင်၍ လာမည့် ၂၀၂၀-၂၀၂၁ ဘဏ္ဍာနှစ်တွင် လျာထားဆောင်ရွက် သည့် လုပ်ငန်း(၃၉)ခု လျာထား ဆောင်ရွက်လျက်ရှိကြောင်းသိရသည်။

ထွန်းအောင်(ပြန်/ဆက်)

https://www.moi.gov.mm/iprd/?q=news/%E1%80%95%E1%80%BC%E1%80%8A%E1%80%BA%E1%80%90%E1%80%BD%E1%80%84%E1%80%BA%E1%80%B8%E1%80%9E%E1%80%90%E1%80%84%E1%80%BA%E1%80%B8%E1%80%95%E1%80%BC%E1%80%8A%E1%80%BA%E1%80%94%E1%80%9A%E1%80%BA/24/07/2020/id-25068