ဓနုဖြူ နိုဝင်ဘာ ၂၀ ရက်

   ဧရာဝတီတိုင်း​ဒေသကြီး ဓနု​ဖြူမြို့နယ် လူထုဗဟိုပြုစီမံကိန်းရုံးမှ အကောင်အထည်ဖော် ဆောင်ရွက်လျက် ရှိသောရေကန်စုကျေးရွာ ရွှေပန်းကုန်းနှင့် ကျုံတနီကျေးရွာများ၌ ကျေးရွာဖွံ့ဖြိုးရေး ကွန်ကရစ်လမ်းခင်းခြင်း လုပ်ငန်းသို ယနေ့နိုဝင်ဘာ ၂၀ ရက်နေ့ နံနက်ပိုင်းက စိုက်ပျိုးရေး မွေးမြူရေနှင့် ဆည်မြောင်းဝန်ကြီးဌာန အမြဲတမ်းအတွင်းဝန် ဒေါက်တာခင်ဇော်၊ တိုင်းဒေသကြီးဦးစီးမှူး ညွှန်ကြားရေးမှူး ဦးနေထက်ရိုန် ၊ ခရိုင်ဦးစီးမှူး ဒုတိယညွှန်ကြားရေးမှူး ဒေါ်စိုးစိုးမြင့်၊မြို့နယ်ဦးစီးမှူး ဦးစီးအရာရှိ ဒေါ်ခိုင်ချိုလွင်နှင့်အတူတာဝန်ရှိသူများက ကွင်းဆင်းကြည့်ရှုခဲ့ကြသည်။

  အဆိုပါကွင်းဆင်းကြည့်ရှုရာတွင် ကျေးရွာနေပြည်သူများ၊ လူထုဗဟိုပြုစီမံကိန်းကော်မတီဝင်များ၊ ရပ်မိရပ်ဖများအား အမြဲတမ်းအတွင်းဝန် ဒေါက်တာခင်ဇော်နှင့် တာဝန်ရှိသူများမှ ရင်းရင်းနှီးနှီးနှုတ်ဆက်ကာ ကျေးရွာလူထု အနေဖြင့်စီမံကိန်းလုပ်ငန်းခွဲဆောင်ရွက်ထားရှိမှုအပေါ် ဝိုင်းဝန်းလုပ်ဆောင်ကြဖို့ တိုက်တွန်းခဲ့သည်။ ရေကန်စုကျေးရွာ၊ ရွှေပန်းကုန်ကျေးရွာနှင့် ကျုံတနီကျေးရွာတို့၏ ကွန်ကရစ်လမ်းခင်းခြင်းလုပ်ငန်းသည် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနနှင့် ကမ္ဘာ့ဘဏ်တို့မှ ပူးပေါင်း၍ အကောင်အထည်ဖော်ဆောင်ရွက်ခြင်းဖြစ်ပြီး ဓနု​ဖြူမြို့နယ် လူထုဗဟိုပြုစီမံကိန်း ပထမနှစ်စီမံကိန်း စက်ဝန်းတွင်အကောင်အထည်ဖော် ဆောင်ရွက်နေသည့်စီမံကိန်းလုပ်ငန်းခွဲဖြစ်သည်။ ရေကန်စုကျေးရွာ ကွန်ကရစ်လမ်းသည် ပေပေါင်း ၃၆၈၆ ပေ ဖြစ်ပြီး စီမံကိန်းထောက်ပံ့ ငွေစုစုပေါင်း သိန်း ၁၅၈၀၀၀၀၀ ကျပ်၊ ကျေးရွာထည့်ဝင်ငွေ သိန်း ၁၀၈၀၀၀၀ ကျပ်၊ ရွှေပန်းကုန်ကျေးရွာ ကွန်ကရစ်လမ်းခင်း​​ခြင်း၌ ​​ပေပေါင်း ၁၉၄၈ ပေ စီမံကိန်းထောက်ပံ့ငွေ စုစုပေါင်းသိန်း ၁၂၂၄၀၀၀၀ ကျပ်၊ ကျေးရွာထည့်ဝင်ငွေ သိန်း ၂၁၉၀၇၀၀ ကျပ်နှင့် ကျုံတနီးကျေးရွာ ကွန်ကရစ်လမ်းခင်းခြင်းတွင် ပေပေါင်း ၁၁၆၇ ပေ စီမံကိန်းထောက်ပံ့ငွေ သိန်း ၈၁၀၀၀၀၀ ကျပ်၊ ကျေးရွာ ထည့်ဝင်ငွေ သိန်း ၆၂၈၀၀၀ ကျပ်တို့ဖြင့် အကောင်အထည် ဖော်ဆောင်ရွက်နေခြင်းဖြစ်ကြောင်းသိရသည်။