Flourishing Sunflower Plantation of Village Revolving Fund Project Benefitting Farmers in Tedim
Chin, 11 November 2020, Ministry of Information
တီးတိန် နိုဝင်ဘာ ၁၁
ချင်းပြည်နယ်၊ တီးတိန်မြို့နယ်တွင် ကျေးလက်ဒေသ ဖွံ့ဖြိုး တိုးတက်ရေး ဦးစီးဌာန၊ ၂၀၁၉-၂၀၂၀ ဘဏ္ဍာရေး နှစ်မှစ၍ ကျေးရွာ (၆)ရွာ၌ မတည်ရန်ပုံငွေ စီမံကိန်း (VRFP) လုပ်ငန်းကို အကောင်အထည် ဖော်ဆောင်ရွက် လျက်ရှိကြောင်း သိရသည်။
ထိုသို့ ဆောင်ရွက်ရာတွင် စိုက်ပျိုးရေး၊ မွေးမြူရေး၊ အရောင်းအဝယ်နှင့် အသက်မွေးဝမ်းကျောင်း လုပ်ငန်းများကို ပုံစံသုံးမျိုးခွဲ၍ အကောင်အထည် ဖော်ဆောင်ရွက်ရာ ဆိုင်းဇံကျေးရွာတွင် ပုံစံ - ၁ (ကျပ် သိန်းသုံးရာ)မတည်ပြီး စိုက်ပျိုးရေးလုပ်ငန်းတွင် မိုးနှောင်းအချိန် နေကြာစိုက်ပျိုးခြင်းလုပ်ငန်းသည် အထူးအောင်မြင် ဖြစ်ထွန်းလျက် ရှိကြောင်း သိရသည်။
ဆိုင်းဇံကျေးရွာတွင် မတည်ရန်ပုံငွေဖြင့် စိုက်ပျိုးရေးလုပ်ကိုင်သူ (၁၁)ဦး၊ မွေးမြူရေးလုပ်ကိုင်သူ (၈၇)ဦး၊ အရောင်းအဝယ်နှင့် အသက်မွေးဝမ်း ကျောင်းလုပ်ကိုင်သူ(၁၂)ဦး၊ စုစုပေါင်းအသင်းဝင် (၁၁၀)ဦးရှိကြောင်း ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန မြို့နယ်ဦးစီးမှူး ဒေါ်ကျိန်ရှင်းနဲမ်းထံမှ သိရသည်။
ပေါင်ကျင့်မုန်(ပြန်/ဆက်)
#VRFP, #NCDDP, #DRD, #MOALI, #WorldBank
Credit - Ministry of Information
