ဆော ဇူလိုင် ၇
စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန၊ ကျေးလက် ဒေသဖွံ့ဖြိုးတိုးတက်ရေးဦးစီးဌာနနှင့် ကမ္ဘာ့ဘဏ်တို့ ပူးပေါင်းအကောင်အထည်ဖော်ဆောင်ရွက်လျက်ရှိသည့် မကွေးတိုင်းဒေသကြီး၊ ဆောမြို့နယ်လူထုဗဟိုပြုစီမံကိန်း တတိယနှစ်စက်ဝန်း မြို့နယ်အဆင့် သက်ဆိုင်သူ ပေါင်းစုံပါဝင်သော သုံးသပ်ဆွေးနွေးပွဲ အခမ်းအနားကို ယနေ့နံနက်(၉)နာရီအချိန်က ဆောမြို့၊ယောမင်းကြီးဦးဘိုးလှိုင်ခန်းမ၌ ကျင်းပပြုလုပ်ခဲ့ကြောင်းသိရသည်။
ရှေ့ဦးစွာ မကွေးတိုင်းဒေသကြီးဝန်ကြီးချုပ် ဒေါက်တာအောင်မိုးညိုနှင့် မကွေးတိုင်းဒေသကြီးလွှတ်တော်ဥက္ကဌ ဦးတာ၊ ကျေးလက်ဒေသဖွံ့ဖြိုးတိုးတက်ရေး ဦးစီးဌာန ညွှန်ကြာရေးမှူ းချုပ် ဦးခန့်ဇော်တို့ အမှာစကားပြောကြားခဲ့သည်။
ဆက်လက်၍ ဆောမြို့နယ်၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ လူထုဗဟိုပြုစီမံကိန်းတာဝန်ခံ ဒေါ်သီရိဇင်မင်း မှ ဆောမြို့နယ်အတွင်း လူထုဗဟိုပြုစီမံကိန်း ဆောင်ရွက်မှု အခြေအနေများအား တင်ပြခဲ့သည်။
ထို့နောက် ဆွေးနွေးပွဲတွင် တက်ရောက်လာသူများမှ စီမံကိန်း တတိယ နှစ် စက်ဝန်းအတွင်း ဆောင်ရွက်ခဲ့မှုများနှင့်ပက်သက်ပြီး အားနည်းချက်၊ အားသာချက်များအား ကဏ္ဍအလိုက်ခေါင်းစဉ်များဖြင့် အုပ်စု(၇)စုဖွဲ့ ဆွေးနွေးခဲ့ကြပြီး ဆောမြို့နယ် လူထုဗဟိုပြုစီမံကိန်း တတိယနှစ်အတွင်း စီမံကိန်းလုပ်ငန်းအကောင်းဆုံး ဆောင်ရွက်နိုင်ခဲ့သော ကျေးရွာအုပ်စု(၃)အုပ်စုနှင့် ကျေးရွာ(၃)များအား တာဝန်ရှိသူအသီးသီးက ဆုချီးမြင့်ပေးခဲ့ကြသည်။
အစည်းအဝေးပွဲတွင် ဝန်ကြီးချုပ်၊ လွှတ်တော်ကိုယ်စားလှယ်များ၊ ဌာနဆိုင်ရာအသီးသီးမှ ဝန်ထမ်းများ၊ ရပ်မိရပ်ဖများ၊ ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ ဝန်ထမ်းများ၊ လူထုဗဟိုပြုစီမံကိန်းဝန်ထမ်းမျျား၊ NGO များ၊ CSOများ၊ မီဒီယာများ၊ ကျေးရွာအုပ်ချုပ်ရေးမှူ းများနှင့် ကျေးရွာကော်မတီဝင်များ စုစုပေါင်း (၅၀၀)ဦးခန့် တက်ရောက်ခဲ့ကြကြောင်းသိရသည်။
