စီမံကိန်းအကြောင်း

လူထုဗဟိုပြုစဲီမံကိန်းနှင့် ပက်သက်သည့်  စီမံကိန်းဆိုင်ရာ အကြောင်းအရာများ

နိဒါန်း

စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန၏ ကျေးလက် ဒေသ ဖွံ့ဖြိုးတိုးတက်ရေး ဦးစီးဌာနသည် လူထု ဗဟိုပြု စီမံကိန်း (NCDDP) ကို ၂၀၁၃ ခုနှစ်မှ စတင်ကာ အကောင်အထည်ဖော် ဆောင်ရွက်လျက် ရှိပြီး၊ ကျေးလက်ဒေသ များတွင် အခြေခံ အဆောက်အအုံနှင့် လူထု လိုအပ်ချက်များကို ဖြည့်စွမ်းပေးလျက် ရှိနေပါသည်။

ထိုကဲ့သို့ဆောင်ရွက်ရာတွင် ကျေးလက်ဒေသ ဖွံ့ဖြိုးတိုးတက်ရေးအတွက် ကျေးရွာ လူထု ကိုယ်တိုင် ဦးစားပေး ရွေးချယ် သည့် အခြေခံ အဆောက်အအုံများ တည်ဆောက်ခြင်း၊ အကောင်အထည် ဖော်ရာတွင် ငွေကြေးအထောက်အပံ့များ ပေးခြင်း၊ စီမံကိန်း လုပ်ငန်း ရွေးချယ်ရာတွင် ကျေးလက်နေပြည်သူများ၏ ပူးပေါင်းပါဝင်မှုဖြင့် စီမံကိန်းအကောင်း ကြိုတင် မိတ်ဆက်ဆွေးနွေးခြင်း၊ စွမ်းဆောင်ရည် မြှင့်မားလာစေရန် ကဏ္ဍအလိုက် နည်းပညာပိုင်းဆိုင်ရာ သင်တန်းပေးခြင်းတို့ဖြင့် ဆောင်ရွက်လျက် ရှိပါသည်။

၂၀၁၃ ခုနှစ်မှ စတင် အကောင်အထည် ဖော် ဆောင်ရွက်ခဲ့သော စီမံကိန်းသည် ကျေးလက်နေ ပြည်သူများ အတွက် အကျိုးရှိစေမည့် အခြေခံ အဆောက်အအုံများ ဖြစ်သည့် ကျေးရွာ ခန်းမများ၊ စာသင်ကျောင်းများ တည်ဆောက်ပြုပြင်ခြင်း၊ တိုးချဲ့ ဆောက်လုပ်ပေးခြင်း၊ ဆေးရုံ/ ဆေးခန်းများ ပြုပြင်တည်ဆောက်ပေးခြင်း၊ ကျေးရွာလမ်းများ ပြုပြင် တည်ဆောက်ပေးခြင်း၊ ဆိပ်ခံတံတားများ တည်ဆောက်ပေးခြင်း၊ ကျေးရွာ လူထုအတွက် လျှပ်စစ်မီးနှင့် ရေ အသုံးပြုနိုင်မှု မြှင့်တင်ပေးခြင်းတို့ ဆောင်ရွက်ပေးလျက် ရှိနေပါသည်။ စီမံကိန်း လုပ်ငန်းများကို ဆောင်ရွက်ရာတွင် ကျေးရွာ ဖွံ့ဖြိုးရေး လုပ်ငန်းများအတွက် ငွေကြေး ထောက်ပံ့ပေးမှု အပြင် ကျေးလက်နေ ပြည်သူလူထု အနေဖြင့် ညှိနှိုင်း တိုင်ပင် ဆွေးနွေးခြင်းနှင့် လုပ်ငန်း ဆောင်ရွက်နိုင်စေရန်တို့အတွက် နည်းပညာပိုင်းဆိုင်ရာ ပံ့ပိုးပေးမှုများ ပြုလုပ်ပေးလျက် ရှိပါသည်။

၂၀၁၃ ခုနှစ်မှ စတင်ခဲ့သော စီမံကိန်းကို နိုင်ငံတစ်ဝှမ်းရှိ လူဦးရေ ၇ သန်းခန့်နေထိုင်သော မြို့နယ်ပေါင်း ၆၃ မြို့နယ်တွင် တိုးချဲ့ အကောင်အထည်ဖော်လျက် ရှိပြီး၊ စီမံကိန်း သတ္တမ စက်ဝန်း ၂၀၂၀ ခုနှစ်တွင် စီမံကိန်း တိုးချဲ့ အကောင်အထည် ဖော်ရန်အတွက် မြို့နယ် ရွေးချယ်မှုများကို ဒေသခံ လူမှု အဖွဲ့အစည်းများနှင့် အစုအဖွဲ့ အသီးသီးတို့နှင့် ညှိနှိုင်းတိုင်ပင်ကာ ရွေးချယ်ခဲ့သည့် မြို့နယ်သစ် ၁၃ မြို့နယ်တွင် စီမံကိန်းကို တိုးချဲ့အကောင်အထည် ဖော်ဆောင်ရွက်သွားမည် ဖြစ်သည်။ လူထု ဗဟိုပြု စီမံကိန်းကို နိုင်ငံတော် အစိုးရ၏ ရန်ပုံငွေ ထည့်ဝင်ခြင်း၊ ကမ္ဘာ့ဏ်၊ အီတလီ အစိုးရ၊ ဂျပန်နိုင်ငံနှင့် ယူနိုက်တက် ကင်းဒမ်းနိုင်ငံ၏ နိုင်ငံတကာ ဖွံ့ဖြိုးရေး ဌာန (DFID) တို့မှ ပံ့ပိုးငွေ စုစုပေါင်း အမေရိကန် ဒေါ်လာ ၅၄၉ သန်းဖြင့် ၂၀၁၅ ခုနှစ် အထိ စီမံကိန်း လုပ်ငန်းများကို ဆောင်ရွက်ရန် လျာထားပါသည်။

“စီမံကိန်းကို ကမ္ဘဘဏ်မှ ထောက်ပံငွေ အမေရိကန်ဒေါ်လာသန်း(၈၀)ဖြင့် ပြည်ထောင်စု သမ္မတ မြန်မာနိုင်ငံတော် အစိုးရ၊ မွေးမြူရေး၊ ရေလုပ်ငန်းနှင့် ကျေးလက်ဒေသဖွံ့ဖြိုးရေး ဝန်ကြီးဌာန လက်အောက်ရှိ ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနက အကောင်အထည်ဖော်ဆောင်ရွက်ခြင်းဖြစ်ပါသည်။”

စီမံကိန်းရည်ရွယ်ချက်

စီမံကိန်းရည်ရွယ်ချက်များကို အောက်ပါအတိုင်း အကောင်အထည်ဖော် ဆောင်ရွက်သွားမည် ဖြစ်ပါသည်။

  • ရပ်ရွာက ရွေးချယ်ပေးသော ကျေးလက် အခြေခံအဆောက်အအုံများတွင် ရင်းနှီးမြှုပ်နှံမှုများအား ငွေကြေး ထောက်ပံ့ခြင်း၊
  • ဒေသ အာဏာပိုင်များနှင့် ပူးပေါင်းပြီး ဒေသခံ လူ့အဖွဲ့အစည်း၏ ဖွံ့ဖြိုးရေးဆိုင်ရာ ဦးစားပေးအစီအစဉ်များဖော်ထုတ်ခြင်း၊ စီမံချက်ချမှတ်ခြင်း၊ အကောင်အထည်ဖော်ခြင်းဆိုင်ရာ စွမ်းဆောင်ရည် အားကောင်းလာစေခြင်း၊
  • စီမံကိန်း လုပ်ငန်းစဉ်တစ်လျှောက်လုံးတွင် ဒေသခံလူ့အဖွဲ့အစည်းမှ ဆင်းရဲနွမ်းပါးပြီး အထိအခိုက် မခံသောသူများ ပါဝင်နိုင်ခြင်း၊ ကျား/မ မရွေး ပါဝင်နိုင်စေခြင်း၊
စီမံကိန်းအစိတ်အပိုင်းမျာစီမံကိန်းအစိတ်အပိုင်းများ                                                                                                           

စီမံကိန်းတွင် အကောင်အထည်ဖော် ဆောင်ရွက်မည့် အပိုင်း ငါးခု ပါဝင်ပါသည်။

လူထုသို့ တိုက်ရိုက်ထောက်ပံ့ငွေ။ ၁၅ မြို့နယ်ရှိ ကျေးရွာအုပ်စုတိုင်းအား ရန်ပုံငွေကို သုံးနှစ် ဆက်တိုက်ထောက်ပံ့ သွားမည် ဖြစ်ပါသည်၊ ထောက်ပံ့ရာတွင် ကျေးရွာများက တင်ပြသော စီမံကိန်း လုပ်ငန်းခွဲကိုသာ ထောက်ပံ့ခြင်း ဖြစ်သည်။

ကူညီထောက်ပံ့မှုနှင့် စွမ်းဆောင်ရည်မြှင့်တင်းခြင်း။ လူထုစည်းရုံးရေးမှူးများ ငှားရမ်းခြင်း အပါအဝင်ပြည်ထောင်စုနှင့် မြို့နယ်အဆင့်များတွင် နည်းပညာ အကြံပေးအဖွဲ့/ပုဂ္ဂိုလ်များ ငှားရမ်းခြင်းနှင့်စွမ်းဆောင်ရည် ဖွံ့ဖြိုးတိုးတက်ရေး လုပ်ငန်းများ ဆောင်ရွက်ခြင်းတို့ ပါဝင်ပါသည်။

အသိပညာနှင့် လေ့လာသင်ယူခြင်း။ မြန်မာနိုင်ငံအတွင်းနှင့် အခြားနိုင်ငံများသို့ လေ့လာရေး ခရီးစဉ်များစေလွှတ်ခြင်း၊ နှစ်စဉ်လေ့လာသုံးသပ်ခြင်းနှင့် လူထုဗဟိုပြုလုပ်ငန်းများနှင့် ပတ်သက်၍ ပြိုင်ပွဲများ ကျင်းပခြင်းတို့ ပါဝင်ပါသည်။

အကောင်အထည်ဖော် ဆောင်ရွက်မှု အထောက်အကူပြုခြင်း။ ပြည်ထောင်စုနှင့် မြို့နယ်အဆင့် စီမံခန့်ခွဲမှုအထောက် အကူနှင့် ငွေကြေးနှင့် နည်းပညာ စစ်ဆေးမှု အထောက်အပံ့တို့ ပါဝင်ပါသည်။

အရေးပေါ် အခြေအနေများတွင် တုံပြန်ခြင်း။ ဖြစ်ပေါ်လာနိုင်သော ဘေးအန္တရာယ်များနှင့် အရေးပေါ်အခြေအနေများကို အလျင်အမြန် တုန့်ပြန် ဆောင်ရွက်နိုင်စေရန် လိုအပ်ပါက အခြားအပိုင်းမှ ငွေများကိုလွှဲပြောင်း သုံးစွဲခြင်းဖြစ်ပါသည်။

စီမံကိန်းမြို့နယ်များ

စီမံကိန်းကို ပြည်နယ်/ တိုင်းဒေသကြီး ၁၄ ခုမှ မြို့နယ် တစ်မြို့နယ်စီအပြင် ပြည်ထောင်စု နယ်မြေမှ မြို့နယ်တစ်မြို့နယ်၊ စုစုပေါင်း ၇၆ မြို့နယ်တွင် အောက်ပါအတိုင်း အကောင်အထည်ဖော်သွားမည် ဖြစ်သည်။

 

၂၀၁၃-၂၀၁၄ ခုဘဏ္ဍာရေးနှစ်တွင်စတင်အကောင်အထည်ဖော်သော မြို့နယ်(၃) ခု

ချင်းပြည်နယ်၊ ကန်ပက်လက်မြိုနယ်

ရှမ်းပြည်နယ်၊ နမ့်ဆန်မြို့နယ် (မြောက်ပိုင်း)

တနင်္သာရီတိုင်းဒေသကြီး၊ ကျွန်းစုမြို့နယ်

 

၂၀၁၄-၂၀၁၅ ခုဘဏ္ဍာရေးနှစ်တွင်စတင်၍ အကောင်အထည်ဖော်သော မြို့နယ်(၆) ခု

ရခိုင်ပြည်နယ်၊ အမ်းမြို့နယ်

စစ်ကိုင်းတိုင်းဒေသကြီး၊ ပင်လည်ဘူးမြို့နယ်

မကွေးတိုင်းဒေသကြီး၊ စေတုတ္တရာမြို့နယ်

ဧရာဝတီတိုင်းဒေသကြီး၊ လေးမျက်နှာမြို့နယ်

ရန်ကုန်တိုင်းဒေသကြီး၊ ထန်းတပင်မြို့နယ်

နေပြည်တော်ကောင်စီနယ်မြေ၊ တပ်ကုန်းမြို့နယ်

 

၂၀၁၅-၂၀၁၆ ခုဘဏ္ဍာရေးနှစ်တွင်စတင်၍ အကောင်အထည်ဖော်မည့် မြို့နယ်(၁၈) ခု

မွန်ပြည်နယ် မှ ချောင်းဆုံမြို့နယ် နှင့် ဘီးလင်းမြို့နယ်

ပဲခူးတိုင်းဒေသကြီးမှ မိုးညိုမြို့နယ် နှင့် ကျောက်ကြီးမြို့နယ်

ကရင်ပြည်နယ်မှ ကြာအင်းဆိပ်ကြီးမြို့နယ်

မန္တလေးတိုင်းဒေသကြီးမှ ငါန်းဇွန်မြို့နယ် နှင့် ညောင်ဦးမြို့နယ်

ကယားပြည်နယ်မှ ဖရူဆိုမြို့နယ် နှင့် ဒီမော့ဆို မြို့နယ်

ချင်းပြည်နယ်မှ ပလတ်ဝ မြို့နယ်

ဧရာဝတီတိုင်းဒေသကြီးမှ သာပေါင်းမြို့နယ် နှင့် ကြံခင်း မြို့နယ်

မကွေးတိုင်းဒေသကြီးမှ မင်းတုန်း မြို့နယ်

စစ်ကိုင်းတိုင်းဒေသကြီးမှ မြောင် မြို့နယ် နှင့် ဗန်းမောက် မြို့နယ်

ရန်ကုန်တိုင်းဒေသကြီးမှ ကော့မှူး မြို့နယ်

တနင်္သာရီတိုင်းဒေသကြီးမှ တနင်္သာရီ မြို့နယ်

နေပြည်တော်ပြည်ထောင်စုနယ်မြေမှ လယ်ဝေး မြို့နယ်

 

၂၀၁၆-၂၀၁၇ ခုဘဏ္ဍာရေးနှစ်တွင်စတင်၍ အကောင်အထည်ဖော်မည့် မြို့နယ်(၂၀) ခု

ဧရာဝတီတိုင်းဒေသကြီးမှ ငပုတောမြို့နယ်

ပဲခူးတိုင်းဒေသကြီးမှ ပန်းတောင်း မြို့နယ်

ချင်းပြည်နယ်မှ မတူပီ မြို့နယ်

ကချင်ပြည်နယ်မှ မိုးကောင်း မြို့နယ်

ကယားပြည်နယ်မှ ဘော့လခဲ၊ဖားဆောင်း၊မယ်စဲ့ မြို့နယ်၊ လွိုင်ကော်၊ရှားတော မြို့နယ်

မကွေးတိုင်းဒေသကြီးမှ ပေါက်၊ဆော၊ထီးလင်း မြို့နယ်

မန္တလေးတိုင်းဒေသကြီးမှ နွားထိုးကြီး၊ပျော်ဘွယ်၊ရမည်းသင်း မြို့နယ်

မွန်ပြည်နယ် မှ ပေါင် မြို့နယ်

နေပြည်တော်ပြည်ထောင်စုနယ်မြေမှ ပျဉ်းမနား မြို့နယ်

ရှမ်းပြည်နယ်မှ ဆီဆိုင် မြို့နယ်

ရန်ကုန်တိုင်းဒေသကြီးမှ ကွမ်းခြံကုန်း၊ကျောက်တန်း မြို့နယ်

 

၂၀၁၇-၂၀၁၈ ခုဘဏ္ဍာရေးနှစ်တွင်စတင်၍ အကောင်အထည်ဖော်မည့် မြို့နယ်(၁၆) ခု

ဧရာဝတီတိုင်းဒေသကြီးမှ ဓနုဖြူ၊အင်္ဂပူ မြို့နယ်

ပဲခူးတိုင်းဒေသကြီးမှ ရွှေကျင်၊သဲကုန်း မြို့နယ်

ချင်းပြည်နယ်မှ တွန်းဇံ မြို့နယ်

ကချင်ပြည်နယ်မှ ပူတာအို၊ရွှေဂူ မြို့နယ်

ကရင်ပြည်နယ်မှ လှိုင်းဘွဲ့၊ကော့ကရိတ် မြို့နယ်

ရခိုင်ပြည်နယ်မှ ဂွ၊ပုဏ္ဏားကျွန်း မြို့နယ်

စစ်ကိုင်းတိုင်းဒေသကြီးမှ ကနီ၊ကျွန်းလှ မြို့နယ်

ရှမ်းပြည်နယ်မှ မဘိန်း၊မောက်မယ်၊မိုင်းခတ် မြို့နယ်

တိုင်းဒေသကြီးနှင့် ပြည်နယ်များတွင် ထပ်တိုး ဆောင်ရွက်မည့် မြို့နယ်များ

 

၁။ မွန် ပြည်နယ် - ကျိုက်မရော မြို့နယ်

၂။ ချင်း ပြည်နယ် - မင်းတပ် မြို့နယ်

၃။ ပဲခူး တိုင်း ဒေသကြီး - အုတ်ဖို မြို့နယ်

၄။ ကရင် ပြည်နယ် - ဘားအံ မြို့နယ်

၅။ စစ်ကိုင်းတိုင်း ဒေသကြီး - ခန္တီး မြို့နယ်

၆။ မန္တလေး တိုင်း ဒေသကြီး - တောင်သာ မြို့နယ်

၇။ တနင်္သာရီ တိုင်းဒေသကြီး - ပုလော မြို့နယ်

၈။ ကချင် ပြည်နယ် - ဝိုင်းမော် မြို့နယ်

၉။ ရှမ်း ပြည်နယ် - တန့်ယန်း မြို့နယ်

၁၀။ ဧရာဝတီတိုင်း ဒေသကြီး - ဒေးဒရဲ မြို့နယ်

၁၁။ မကွေးတိုင်း ဒေသကြီး - ငဖဲ မြို့နယ်

၁၂။ ရန်ကုန်တိုင်း ဒေသကြီး - ခရမ်း မြို့နယ်

၁၃။ ရခိုင်ပြည်နယ် - မာန်အောင် မြို့နယ်

စီမံကိန်းမြို့နယ်ရွေးချယ်မှုလုပ်ငန်းစဉ်                                                                                                                         

စီမံကိန်းမြို့နယ်များ ရွေးချယ်ရာတွင် ဆင်းရဲ မွဲတေမှုသည် အခြေခံမူ ဖြစ်သည်။ ဖြည့်စွက်သော မူများမှာ

(၁) အလားသဏ္ဌာန်တူသော လုပ်ငန်းများအတွက် အခြား ထောက်ပံ့ငွေမရရှိမှု၊

(၂) မြို့နယ် ဒေသအာဏာပိုင်များ၏ စီမံကိန်းအပေါ်လိုလားမှု၊ အကောင်အထည်ဖော်နိုင်စွမ်းရှိမှု

(၃) မြို့နယ်၏ တည်ငြိမ်အေးချမ်းမှု၊

(၄) မြို့နယ်အတွင်း စီမံကိန်းကို လွယ်ကူစွာဝင်ရောက်ရေး၊ သွားရေးလာရေး အဆင်ပြေမှုတို့ ဖြစ်သည်။

စီမံကိန်း အကောင်အထည်ဖော်နေစဉ် အခြား ထောက်ပံ့မှုရင်းမြစ်များ ရရှိလာပါက ဆန်ခါတင် အဆင့်တွင်အမည်စာရင်း တင်သွင်းခံရသည့် မြို့နယ်များကို ဦးစားပေး ဆောင်ရွက်မည် ဖြစ်သည်။ အခြားထောက်ပံ့မှုများ ထပ်မံ ရရှိမှုပေါ်မူတည်၍ လူထုဗဟိုပြုစီမံကိန်း/အစီအစဉ်ကို တိုးချဲ့ ဆောင်ရွက်သွားမည် ဖြစ်သည်၊ မြို့နယ်အသစ်များ ထပ်မံ တိုးတက်လာနိုင်ပါသည်။

လူထုသို့ တိုက်ရိုက်ထောက်ပံံ့ငွေများ                                                                                                                      

ပထမနှစ်ထောက်ပံ့ငွေ ၂ဝ၁၄-၁၅ ကို အောက်ပါပုံသေနည်းအတိုင်း တွက်ချက်မည် ဖြစ်သည်။ ကျေးရွာအုပ်စုလူဦးရေ ထောက်ပံ့ငွေ

၃ဝဝဝ အောက် ၂ဝ,ဝဝဝ,ဝဝဝ ကျပ်

၃ဝဝဝ မှ ၅ဝဝဝ ၄ဝ,ဝဝဝ,ဝဝဝ ကျပ်

၅ဝဝဝ မှ ၉ဝဝဝ ၆ဝ,ဝဝဝ,ဝဝဝ ကျပ်

၉ဝဝဝ အထက် ၁၂ဝ,ဝဝဝ,ဝဝဝ ကျပ်

ရပ်ရွာစီမံကိန်းကာလ ကုန်ဆုံးချိန်တိုင်းတွင် ခွင့်ပြုသည့် ပုံသေနည်းကို ကျေးလက်/ဦးစီးနှင့် ကမ္ဘာ့ဘဏ်တို့က ပြန်လည်သုံးသပ်ပြီး လိုအပ်ပါက ပြုပြင်ရေးဆွဲမည်။ စီမံကိန်းက ငွေကြေးထောက်ပံ့မည့် ကျေးရွာ စီမံကိန်း လုပ်ငန်းခွဲတစ်ခုအတွက် ပထမဆုံးနှစ်တွင် အနိမ့်ဆုံးသတ်မှတ်ချက် ပမာဏ မရှိပါ၊ ဒုတိယနှစ်နှင့် နောက်ဆုံးနှစ်တွင် စီမံကိန်း လုပ်ငန်းခွဲတစ်ခုသည် အနည်းဆုံး ကျပ်နှစ်သန်း ရှိရမည်။ ကျေးရွာ စီမံကိန်း လုပ်ငန်းခွဲတစ်ခုအတွက် အမြင့်ဆုံး ပမာဏသည် ကျပ် သန်း ၁၁ဝ ဖြစ်သည်။ သို့သော် ကျပ် သန်း ၄ဝ ထက်ပိုသော စီမံကိန်း လုပ်ငန်းခွဲ တစ်ခုချင်းအတွက် ကျေးလက်/ဦးစီး ရုံးချုပ်၏ အတည်ပြုချက်နှင့် ကမ္ဘာ့ဘဏ်၏ ကန့်ကွက်ရန်မရှိကြောင်းစာ ရယူရန် လိုအပ်သည်။

Ref: NCDDP operation manual (2017)

ကျေးလက်ဦးစီးနှင့် ကမ္ဘာ့ဘဏ်တို့သည် စီမံကိန်းရာသီစက်ဝန်း တစ်နှစ်ပြီးစီးတိုင်းတွင် ထောက်ပံ့ငွေ ခွဲဝေသတ်မှတ်ရန် တွက်ချက်ပုံ ပုံသေ နည်းကို ပြန်လည်စိစစ်မည် ဖြစ်သည်။ ထောက်ပံ့ငွေ အချိုးအစား ပြောင်းလဲ သတ်မှတ်ရလောက်သည်အထိ လူဦးရေပမာဏ ပြောင်းလဲမှု ရှိပါက ထောက်ပံ့ငွေကို တိုးမြှင့်သတ်မှတ်ချထားပေးရန်အတွက် မြို့နယ်ရုံးသို့ လျှောက်ထား တောင်းဆိုနိုင်သည်။

ဆောင်ရွက်ပြီးစီးမှုအခြေအနေ (၂ဝ၁၇ စက်တင်ဘာ)

    စီမံကိန်းဆောင်ရွက်ရာတွင် ကျေးလက်ဒေသ ဖွံ့ဖြိုးတိုးတက်ရေးအတွက် လိုအပ်သည့် အခြေခံ အဆောက်အအုံများ တည်ဆောက် ခြင်း၊ အကောင်အထည်ဖော်ရေးအတွက် လိုအပ်သည့် ငွေကြေးအထောက်အပံ့များ ပေးအပ်ခြင်း၊ စီမံကိန်းလုပ်ငန်း ရွေးချယ်ရာတွင် ကျေးလက်နေပြည်သူများ၏ ပူးပေါင်းပါဝင်မှု အားကောင်းလာစေရန် စီမံကိန်းအကြောင်း ကြိုတင်မိတ်ဆက်ဆွေးနွေးခြင်း၊ စွမ်းဆောင်ရည် မြင့်မားလာစေရန် ကဏ္ဍအလိုက် နည်းပညာပိုင်းဆိုင်ရာ သင်တန်းပေးခြင်း စသည်တို့ကို ပွင့်လင်းမြင်သာစွာဖြင့် ကူညီပံ့ပိုးပေးခဲ့ပါသည်။ အကောင်အထည်ဖော် ဆောင်ရွက်ခဲ့သော စီမံကိန်းကာလ ၄ နှစ်တာကာလ (၂ဝ၁၃-၂ဝ၁၄ မှ ၂ဝ၁၆-၂ဝ၁၇ စီမံကိန်းစက်ဝန်း) အတွင်း ကျေးရွာပေါင်း ၈၆၀၀ ရှိ ကျေးလက်နေ လူဦးရေ ၅ သန်းခန့်အား အကျိုးပြုကာ လက်လှမ်းမီ အသုံးပြုနိုင်သော အခြေခံအဆောက်အအုံ များဖြစ်သည့် စာသင်ကျောင်းများ ပြုပြင်ခြင်းနှင့် တိုးချဲ့ဆောက်လုပ်ပေးခြင်း၊ ဆေးရုံ/ ဆေးခန်းများ ပြုပြင်တည်ဆောက်ပေးခြင်း၊ လူသွားလမ်းများ ဖောက်လုပ်ပေးခြင်း၊ ဆိပ်ခံတံတားများ တည်ဆောက်ပေးခြင်း အစရှိသည့် စီမံကိန်းလုပ်ငန်းခွဲပေါင်း (၈ဝဝဝ) ကျော်အား ငွေကြေးထောက်ပံ့မှုများအပြင် နည်းပညာပိုင်းဆိုင်ရာ ထောက်ပံ့မှုများပါ ပံ့ပိုးပေးခဲ့နိုင်သည်။ စီမံကိန်းကို နိုင်ငံအဝှမ်းရှိ မြို့နယ်ပေါင်း (၆၃) မြို့နယ်တွင် တိုးချဲ့ ဆောင်ရွက်လျက်ရှိပြီး လူဦးရေ ခုနှစ်သန်း၏ ဖွံ့ဖြိုးတိုးတက်ရေးကို အကျိုးပြုပေးနိုင်မည်ဟု ရည်မှန်းထားပါသည်။

စီမံကိန်းအကောင်အထည်ဖော်ဆောင်ရွက်ပုံနည်းလမ်း အဆင့်ဆင့်ကို အသေးစိတ် သိရှိလိုပါက “စီမံကိန်းလက်စွဲ” စာအုပ်ကို ဤနေရာ တွင် download ရယူနိုင်ပါသည်။